РЕАЛИЗАЦИЈА
Во врска со пакетот мерки кој го предлага Владата на Република Македонија за справување со енергетската криза, првенствено во испорака на електрична и топлинска енергија е за поздравување. Ваквите мерки требаше да бидат донесени минимум три месеци порано за да може навремено да се планира сиот стопански и општествен живот.
Предложените мерки очекувам да бидат во потполност реализирани, само со една цел добробит на граѓаните на Република Македонија.
Политичкото препукување помеѓу СДСМ и ВМРО, чија била идејата на овој пакет мерки во овој момент е помалку битна. Упатувам на синергија меѓу власт и опозиција во справувањето со овој суштински проблем за граѓаните на Македонија во периодот кој претстои есен-зима. По корисно е да постои дијалог меѓу власт и опозиција, отколку меѓупартиски обвинувања. Нема место за импровизација. Периодот кој доаѓа пред нас е мошне сериозен и треба навистина посветеност на сите партии во Република Македонија од власт и опозиција да се вклучат во надминувањето на проблемите во периодот кој претстои пред нас.
Евидентно е дека немаме индикации колку долго ќе трае оваа енергетска криза и во кој правец ќе се движи. Токму оваа неизвесност треба да биде главниот иницијатор за комуникација меѓу партиите на власт и опозиција.
Со меѓусебни обвинувања само долеваат масло на и така влошената социјална положба на граѓаните во Република Македонија. Разумот треба да надвладее. Суетноста и нарцисоидноста која ја покажуваат врвните политички играчи во Република Македонија може да биде кобна по нас граѓаните.
