ОСУДА

На база добиената информација за вмешаност на вработен во Агенцијата за национална безбедност-АНБ кој извршил изнуда на стопанственик e чин кој треба да се осуди и да се уништи во корен.

Прогледувањето низ прсти на криминогени структури кои се длабоко влезени во самите партии, а преку партиите дали се на власт или во опозиција и во институциите на државата е рак-рана за градење на вистинско, напредно, модерно општество. Компромис со оваа девијантна појава не смее ниту да се помисли да се прави, а не пак да се практикува. Токму ваквите криминални структури направија Република Македонија да биде третирана како држава во која што царува криминалот и корупцијата.

Плевелот се чисти во нивите од корен. Токму оваа синтагма треба да ја практикуваме и во нашето секојдневие. Нулта толеранција за криминал и корупција. Дали можеме да си ветиме меѓу себе дека ќе опстоиме во оваа наша солидарна и хумана цел. Многу е битно и придонесот на секој поединец во сузбивањето на оваа девијантна појава.

Казните мора да бидат драконски, бидејќи тоа е единствениот начин да се стави крај на оваа толку силна девијантна појава во нашето секојдневие.

На потег е Владата на Република Македонија, МВР, Обвинителството и судството.

Да прејдеме од празни ветувања во вистинска борба против ова зло.