ШТО СЕ СЛУЧИ СО БРАТСКАТА ЉУБОВ?

Помина повеќе од една година откако принцот Хари и Меган Маркл ги напуштија кралските должности и започнаа нов живот во Калифорнија.

Иако времето лекува рани, конфликтот меѓу Хари и неговиот постар брат принцот Вилијам не е блиску до помирување, а најновите информации покажуваат дека војводата од Кембриџ лично ја отфрлил потенцијалната можност за тоа.

Настан што може да го приближи семејството е крштевањето на ќерката на Хари, Лилибет, родена на почетокот на јуни. После тоа, се шпекулираше дека Хари и Меган можеби ќе отпатуваат во Британија за да ја крстат Лилибет во замокот Виндзор, но тие гласини стивнаа и принцот Вилијам можеби е делумно причина за тоа.

– И Хари и Меган навистина сакаа да се вратат и да обезбедат крштевањето да се случи, особено пред Нејзиното Височество кралицата (Елизабета Втора), изјави кралскиот дописник Нил Шон.

– Но, тоа наиде на пречка, додаде тој.

Шон истакна дека „постои едно лице кое во основа одлучило дека нема апетит за тоа и дека таа личност очигледно, до сега, не била подготвена да се помири со својот помал брат“. Според „добро информиран извор“, принцот Вилијам рекол „не, не мислиме дека тоа ќе функционира“ и дека тоа не е баш добра идеја.

По раѓањето на Лилибет, Хари и Меган веќе го имаат двегодишен си Арчи, имаше надеж дека новиот додаток на британското кралско семејство ќе послужи како катализатор за поправање на односот што речиси се распадна пред повеќе од една година.

Меѓутоа, јасно е дека тензиите меѓу двајцата браќа сè уште се опипливи, и покрај желбата тие да се помират надвор од очите на јавноста. За жал, се чини дека она што можеше да биде јавно прикажување на единството на браќата и нивните семејства, нема да се случи во блиска иднина. Но, секогаш постои надеж дека идните семејни настани ќе им дадат време на браќата повторно да го изградат својот однос.