Тотенхем го има најдобриот старт во Премиер лигата во последните 63 години

Тотенхем синоќа го победи Фулам со 2:0 во натпревар од 9. коло на Премиер лигата.

Спарс освоија 23 поени од првите девет кола и го имаат својот најдобар старт од 1960 година. Тогаш лондонскиот тим забележа девет победи во девет натпревари и на крајот од сезоната стана шампион на Англија.

Тотенхем е прв во поредокот во Англиското фудбалско првенство со 23 бода, два бода повеќе од Манчестер сити и Арсенал.