СВЕТСКИ ДЕН НА ХУМАНИТАРНИТЕ РАБОТНИЦИ

Овој ден беше одреден во спомен на бомбашкиот напад на 19 август 2003 година врз хотелот Канал во Багдад, Ирак, при што загинаа 22 лица, вклучувајќи го и главниот хуманитарец во Ирак, Серхио Виеира де Мело. Во 2009 година, Генералното собрание на Обединетите нации го официјализираше денот како Светски ден на хуманитарноста (WHD).

Секоја година Светскиот ден на хуманитарните работници се фокусира на тема, собирајќи ги партнерите од целиот хуманитарен систем за да се залагаат за опстанок, благосостојба и достоинство на луѓето погодени од кризи и за безбедност и сигурност на хуманитарните работници.

Во 2020 година, беа нападнати 475 хуманитарни работници: 108 загинати, 242 ранети и 125 киднапирани.

Ограничувањата за патување и движење за меѓународниот персонал (поради „Ковид-19“) може делумно да објаснат зошто процентот на жртви меѓу националните хуманитарни работници во 2020 година бил дури и поголем од вообичаеното (95%).

По повод Денот на хуманитарните работници, честитка упати и бизнисменот и филантроп Трифун Костовски. Тој на својата страница на Фејсбук напиша:

„Најискрени честитки до сите хуманитарци на земјината топка со порака да чесно си ја извршуваат својата задача“.