Партијата на пензионери бара вклучување во дијалогот за методологијата за пензиите
Партијата на пензионери (ПП) бара вклучување во отворениот дијалог за новата методологија за зголемување на пензиите што го најави Владата.
-Како партија, ја поддржуваме иницијативата на премиерот Димитар Ковачевски и на Владата за разговор со пензионерските здруженија, надлежните институции и останатите засегнати страни по ова прашање. Уверени сме дека, само на тој начин, може да се дојде до заедничко решение кое овозможува долгорочно и одржливо зголемување на пензиите, а со тоа и подобрување на животниот стандард на сите пензионери во земјата, соопшти ПП.
Партијата нагласува и дека ја поздравува и поддржува најавата за доделување еднократен пакет финансиска помош во следниот период за сите пензионери, со цел полесно справување со економската и енергетската криза.
-Покрај финансиската поддршка која Владата ја обезбеди во 2021 година за пензионерите со ниски примања како дел од ранливите категории граѓани, ја поздравуваме и подржуваме најавата за доделување еднократен пакет финансиска помош во следниот период на сите пензионери, со цел полесно справување со економската и енергетската криза, наведува ПП.
