Костовски не го признава Основниот кривичен суд Скопје
Македонскиот бизнисмен и филантроп Трифун Костовски денеска на својата официјална страница на Фејсбук официјално објави дека не го признава Основниот кривичен суд Скопје.
Во продолжение целата објава на Костовски:
„Званично објавувам дека не го признавам Основниот кривичен суд Скопје, како суд кој треба да ми ја донесе правдата. Одбивам да соработувам со овој суд, да примам нивни решенија и ќе ги отповикам моите адвокати.
Ми го украдоа имотот, со мене си поигруваат на дневна основа.
Повелете, затворете ме, на тој начин полесно ќе ја добиете вашата валкана и нечесна битка.
Трифун Костовски“
