Костовски за првото издание на Бели Мугри
Бизнисменот Трифун Костовски на својата официјална страница на Фејсбук денеска го одбележа печатењето на првото издание на „Бели Мугри“ од Коста Рацин, при што потсети и на споменикот на Рацин во Велес кој е негова донација. Споменикот поставен во 2002 година е дело на академик Томе Серафимовски. Висок е 2,80 метри и тежок 500 килограми. Фигурата на Рацин е излеана во бронза.
Објавата на Костовски ја пренесуваме во целост:
На денешен ден во 1939 во Самобор, во близина на Загреб, во печатницата на Драгутин Шпулер, излегла од печат збирката песни “Бели мугри” од македонскиот поет и револуционер Кочо Рацин.
Коста Рацин, симбол кој прв со прекрасна мисла и убав збор го опиша животниот опус на нас, Македонците преку своите песни кои и ден денеска претставуваат стожер на македонската поезија, Ленка, Тутуноберачите и така натаму.
Од љубов кон овој великан заедно со мојот веќе покоен пријател, Академик Томе Серафимовски го подигнавме споменикот на Коста Рацин во негова чест, кој денес е симбол на Велес и велешани.
Вечна ти слава мој Коста
