Форум за образовни промени организира Студентски форум во МКЦ

Форумот за образовни промени организира Студентски форум, кој ќе се одржи денеска во Младинскиот Културен Центар – МКЦ во Скопје.

Според најавата на организаторите, на почетокот на форумот свои обраќања ќе имаат евроамбасадорот Дејвид Гир и американската амбасадорка во земјава Анџела Агелер.

– Ова е историски настан, бидејќи првпат во Северна Македонија ќе се соберат на едно место, во едно тело, поголем дел од студентските собранија на универзитетите во земјава. Покрај тоа, ќе има и панел дискусии со говорници од целиот регион, известуваат од Форумот за образовни промени.