Санкционирани 194 возачи во Скопје, 21 за брзо возење

МВР информира дека вчера Секторот за внатрешни работи Скопје при контрола на сообраќајот во главниот град изрекол 194 мерки, меѓу кои за возење повеќе од дозволената брзина 21 санкциja, 12 мерки за возење без возачка дозвола, пет санкции за прекршоци што ги прават возачите на мотоцикл.

– Изречени се 14 мерки за користење мобилен телефон при возење, три санкции за минување на затворен сигнал (црвено светло), две санкции за некористење сигурносен појас, четири мерки за технички неисправни и нерегистрирани возила и друго, соопштуваат од МВР.

Сообраќајните контроли продолжуваат и во наредните денови.

-Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, апелираат од полицијата.