Партизан и Макаби со гостински победи го отворија четвртфиналето во Евролигата

Гостинските екипи беа поуспешни на првите натпреварите од четвртфиналните плејоф пресметки во кошаркарската Евролига одиграни синоќа.

Партизан со тројката на Кевин Пантер во последната секунда го победи Реал со 89:87. Ова е историска, прва победа за „црно-белите“ на гостински терен кај „кралскиот клуб“.

Предност од 1:0 има и Макаби. Израелскиот шампион со 79:67 славеше триумф на гостувањето кај Монако.

Вторите натпревари во серијата прв до три победи, ќе се играат утре, исто така на теренот на Реал и на Монако.

За вечер се закажани натпреварите:
Барселона – Жалгирис и
Олимпијакос – Фенербахче.