Алегри по елиминацијата на од Виљареал: Резултатот е понижувачки за мене

Тренерот на Јувентус, Масимилијано Алегри, по големиот пораз од Виљареал (0:3) во реваншот од осминафиналето на Лигата на шампионите, призна дека таквиот резултат бил понижувачки за него.

– Виљареал има многу професионален тим. Максимално ги искористи своите шанси, но ни досудија глупав пенал. Резултатот е навредлив, бидејќи имавме шанси и на првиот меч и на денешниот натпревар. Нема што да им се забележи на играчите, тие мора да продолжат да работат, како што правеа претходно, изјави Алегри.

Во првиот натпревар беше нерешено (1:1), па Виљареал со вкупни 4:1 се пласираше во четвртфиналето.

Двојките за четвртфиналето во елитното фудбалско натпреварување ќе бидат познати по ждрепката која ќе се одржи на 18 март.