Деветтото коло од Првата женска фудбалска лига се игра утре и во сабота
Деветтото коло од Првата женска фудбалска лига се одигрува утре и во сабота.
Единствениот натпревар утре е помеѓу Љуботен и АСС Унитед, каде што правдата ќе ја делат Кирил Смоквоски, Слаѓан Марковски и Зоран Костоски.
Во недела ЖФК Скопје 2014 ќе ги пречека Атлетико од Битола а во центарот ќе биде Ирена Велевачкоска и асистентите Славица Стошиќ и Татјана Ивановска.
Деспина од Прилеп е домаќин на фудбалерките на Топ Гол, додека, судии на натпреварот се Јордан Јовановски, Кирил Манчев и Коце Милчев.
Во Куманово, Речица се соочува со Борец, каде што правдата ќе ја дели Ангела Рајчевска, заедно со Елена Соклеска Илиевски и Тамара Цветановиќ.
Тиверија во Струмица ќе ги пречека Истатов од Дојран а во центарот ќе биде Марија Конеска заедно со Марјан Смилкоски и Снежана Илиевска.
Во Каменица, САСА ќе се сретне со Шкендија од Тетово каде што судии ќе бидат Ангел Гелов, Славче Шоповски и Александар Димитријов.
На табелата од Првата женска фудбалска лига првото место го делат Тиверија и Скопје со по 18 бода, со еден бод помалку е Љуботен а зад него АСС Унитед.
