Став на власт

ВЕНЕЦИЈАНСКА КОМИСИЈА

Бујар Османи, министер за надворешни работи

Венецијанската комисија ја споменав само во делот на ретроактивното важење на законот, а не за одредбите за новите клубови кои можат да се отвораат со проблематични имиња.

Одговарајќи на новинарско прашање за одлуката да се испратат измените на Законот за здруженија и фондации до Венецијанската комисија, Османи потсети дека реагирал пред да се донесе Законот за здруженија и фондации во делот на ретроактивноста.

-Немам никави забелешки по однос на другите одредби од законот. Ретроактивното важење на законот за мене е проблематично. Република Бугарија почнува една сериозна кампања во меѓународните институции по однос на ова прашање, посебно во Советот на Европа. Нам ќе ни требаат сите аргументи да докажеме дека тоа не е така, бидејќи ако по нешто сме препознаени во светот тоа е по односот кон заедниците и односот кон граѓанските права. И затоа сметав за да не дадеме никаков аргумент на некој, дека ќе предложам до Влада да го пратиме до Венецијанската комисија. Доколку Венецијанската комисија каже дека се е во ред со законот, тогаш навистина нема никој веќе аргумент да спори против овој закон, рече Османи. Посочи дека Венецијанската комисија ја споменал само во делот на ретроактивното важење на законот, а не за одредбите за новите клубови кои, како што рече, можат да се отвораат со проблематични имиња.

Посочувајќи дека ја слушнал изјавата на министерот за правда Никола Тупанчески кој рече дека се носи нов закон за здруженија и оти тој може да се прати во Венецијанската комисија, нагласи дека тоа е добро решение.

Според него, добро е да се добие едно мислење на Венецијанската комисија, дали на постојниот Закон за здруженија и фондации или на новиот, кој се надева дека ќе се донесе брзо. -Не смееме да дадеме никому аргумент ако сметаме дека некои елементи може да се спорни, порача Османи.

Можеби ќе ви се допадне

Став на власт

КОЧНИЦА

Напредокот кон ЕУ се сопнува од корупцијата на сите нивоа Република Северна Македонија има сериозен ...
Став на власт

НЕЛЕГАЛЕН

Градот Скопје уште во текот на вчерашниот ден, а веднаш по завршување на вонредната седница ...
Став на власт

ПРОВОКАЦИЈА

Премиерот Димитар Ковачевски и министерот за надворешни работи Бујар Османи вчера го осудија отворањето на ...
Став на власт

СРЕДБА

ДИМИТАР КОВАЧЕВСКИ, ПРЕМИЕР „Почитувани медиуми, почитувани граѓани. Денеска имавме средба со претседателот и со економскиот ...

Остави коментар

Вашата адреса за е-пошта нема да биде објавена. Задолжителните полиња се означени со *

Next Article:

0 %